Khawab toot jate hain

Khawab Toot Jatay Hain
Bheer Main Zamanay Ki Hath Choot Jatay Hain
Dostdar Lehjay Main Silwatain Si Parti Hain
Ek Zara Si Ranjish Say
Shak Ki Zard Tehni Pay Phool Badgumani K
Is Tarhan Say Khiltay Hain
Zindagi Say Pyaaray Bhi
Ajnabi Say Lagtay hain
Ghair Ban K Miltay Hain
Umar Bhar Ki Chahat Ko Asra Nahin Milta
Khamoshi K Waqfon Main
Baat Toot Jati Hai
Aur Sira Nahin Milta
Ma'zirat K Lafzon Ki Roshni Nahin Milti
Lazzat Pazeerai Ki Phir Kabhi Nahin Milti
Phool Rang Wadoon Ki Manzilain Sukartin Hain
Rah Murnay Lagti Hai
Berukhi K Gherai Say Bedili Ki Mitti Say
Faslon Ki Eenton Say Eent Jurnay Lagti Hai
Wehmon K Sai Say
Umar Bhar Ki Mehnat Ko Pal Main Loot Jatay Hain
Ek Zara Si Ranjish Say Sath Choot Jatay Hain
Bheer Main Zamanay Ki Hath Choot Jatay Hain

Ghazal

Nit Naye Naqsh Banatay Ho Mita Dete Ho
Jaane Kis Jurm-e-tamana Ki Saza Dete Ho

Kabhi Kankar Ko Bana Dete Ho Heeray Ki Kani
Kabhi Heeron Ko Bhi Mitti Mein Mila Dete Ho

Zindagi Kitnay Hi Murdon Ko Ata Ki Jiss Ne
Woh Maseeha Bhi Saleebon Pe Saja Dete Ho

Khwahish-e-deed Jo Kar Baithe Sar-e-toor Koi
Toor Hi Bark-e-tajalli Se Jala Dete Ho

Naar-e-namrood Mein Dalwatay Hu Khud Apna Khaleel
Khud Hi Phir Naar Ko Gulzaar Bana Dete Ho

Chahe Kinaan Mein Phainko Kabhi Mahe In Aan
Noor Yakuub Ki Aankhon Ka Bujha Dete Ho

Becho Yusuf Ko Kabhi Misr Ke Baazaaron Mein
Akhir-e-kaar Shah-e-misr Bana Dete Ho

Jazb-o-masti Ki Jo Manzil Pe Puhanchta Hai Koi
Baith Kar Dil Mein An-al-haq Ki Sada Dete Ho

Khud Hi Lagwatay Ho Phir Kufr Ke Fatway Uss Par
Khud Hi Mansoor Ko Sooli Pe Charha Dete Ho

Apni Hasti Bhi Woh Ik Roz Ganwa Baithta Hai
Apne Darshan Ki Lagan Jis Ko Laga Dete Ho

Koi Raanjha Jo Kabhi Khoj Mein Nilklay Tumkar
Tum Ussay Jhang Ke Bele Mein Rula Deta Ho

Justajoo Le Ke Tumhari Jo Chale Kais Koi
Uss Ko Majnoon Kissi Laila Ka Bana Dete Ho

Jot Sassi Ke Agar Mann Mein Tumhari Jaagay
Tum Usse Tapte Huay Thal Mein Jala Dete Ho

Sohni Gar Tum Ko Mahiwal Tasawwur Kar Le
Uss Ko Biphri Hui Lehron Mein Baha Dete Ho

Khud Jo Chaaho To Sar-e-arsh Bula Kar Mehboob
Ek Hi Raat Mein Mairaaj Kara Dete Ho

Phir Neend Bhala Kab Aati Hai?
Jab Neend Se Ankhain Bojhal Hon,

Aur Apne Aankh Se Ojhal Hon,
Phir Neend Bhala Kab Aati Hai?

Jab Dil Mein Basne Waale Bhi,
Aur Saath Mein Hasnay Walay Bhi,

Jab Door Khahin Wo Bastay Hon,
Kisi Aur Ke Sath Wo Hanstay Hon,

Phir Neend Bhala Kab Aati Hai?
Jab Ghum Ki Raat Andhairi Ho,

Aur Us Mein Yaad Bhi TERI Ho,
Na Dil Mein Koi Ujala Ho,

Phir Neend Bhala Kab Aati Hai?
Phir Neend bhala kab ati ha..?

wo dil hi kya tere milne ki jo dua na kare
main tujh ko bhul k zinda rahun Khuda na kare

rahega sath tera pyar zindagi bankar
ye aur bat meri zindagi wafa na kare

ye thik hai nahin marta koi judai mein
Khuda kisi se kisi ko magar juda na kare

suna hai usko mohabbat duayen deti hai
jo dil pe chot to khaye magar gila na kare

zamana dekh chuka hai parakh chuka hai use
"Qateel" jan se jaye par iltaja na kare

Zindagi qaid e musalsal ka siwa kuch bhi nahi
Kiya tha‚ jurm- e -wafa‚ is‚ k siwa kuch bhi nahi
‚
Jeenay ki arzo ma roz mar rahey han
Dawa teri muhabbat ka siwa kuch bhi nahi
…‚
Khnchti‚ ha‚ appni‚ taraf‚ gulshan‚ ki‚ rang- o- bu
Kashish phoolon ma khushboo ka siwa kuch bhi nahi
‚
Bhool‚ jana‚ aik‚ naymat‚ ha‚ kuda‚ ki‚ ‚ islia
Bhoolna tera‚ haqeeqat ka siwa kuch bhi nahi
‚
Thora‚ ha‚ farq‚ baqi‚ insan aur‚ hewan‚ ma
Saqi tujh ma muhabbat ka siwa kuch bhi nahi

Hum Tasleem Kartey Hain
Humain Fursat Nahi Milti.

Magar

Ye Bhi Zara Socho
Tumhain Jab Yaad Kartey Hain
Zamana Bhool Jatey Hain.

Usy mai kyo bataon mai ne usko kitna chaha hy?

Bataya jhoot jata hai!

Ke sachi baat ki khushbu,

To khud mehsoos hoti hai!

Meri baatein!

Meri sochein!

Usay khud jaan janay do!

Abhi kuch din mujhay,

Meri mohabbat aazmanay do!

Agar wo ishq k ehsas ko pehchan na paye,

Mujhay bhi jaan na paye,

To phir aisa kro aye Dil. . ! !
Ke Khud gumnaam ho jao!

Such He kaha Tha Kisi Ne Tanha Jeena Sekh Ly....
''MOHSIN''
Mohabbat jitni Bhi Sachi Ho Sath Chor He Jati Hai....

مجھے آرزوئے سحر رہی
یونہی رات بھر بڑی دیر تک
نہ بکھر سکا نہ سمٹ سکا
یونہی رات بھر بڑی دیر تک
تھا بہت عذاب اور اکیلے ہم
شب غم بھی میری طویل تر
رہی زندگی بھی سراب اور
رہی آنکھ تر بڑی دیر تک
یہاں ہر طرف ہے عجب سماں
سبھی خود پسند سبھی خود نماں
دلِ بیقرار کو نہ مل سکا
کوئی چارہ گر بڑی دیر تک
مجھے زندگی ہے عزیز تر
اسی واسطے مرے ہم سفر
مجھے قطرہ قطرہ پلا زہر
جو کرے اثر بڑی دیر تک

Yeh Soch Kar Ke Gham Ke Kharidaar Aa Gaye
Hum Khwaab Bechne Ko Sar-e-Baazaar Aa Gaye
 

Aawaaz De Ke Chhup Gayi Har Baar Zindagi
Hum Aise Saada Dil Thei Ke Har Baar Aa Gaye
 

Hum kaj Ada Chiragh Thei Jab Bhi Hawa Chali
Raaho’n Ko Chorr kar Sar-e-Deewar Aa Gaye
 

Sooraj ki Roshni Pe Jinhe’n Naaz Tha Faraz
Woh Bhi Toh zer Sayaa-e-Deewar Aa Gaye

Ya Allah – Teri Azmaton Say Hoon Bay-Khabar
Ye Meri Nazar Ka Kasoor Hai
Teri Rah?guzar May Kadam Kadam
Kahin Arsh Hai Kahin Toor Hai
Ye Baja Hai Malik-E-Band Agi
Meri Bandagi May Kasoor Hai
Ye Khata Hai Meri Khata Magar
Tera Naam Bhi To Ghafoor Hai
Ye Bata Tujh Se Miloon Kahan
Mujhe Tujh Say Milna Zaroor Hai
Kahin Dil Ki Shart Na Dalna
Abhi Dil Nigahon Say Dur Hai

Majnoon nay sheher chora, tu Sehraa bhi chor day
Nizaray ki hawas ho tu Laila bhi chor day

Wa'az! kamal-e-tarq se milti hai yaan muraad
Duniya jo chor dii hai to uqbaa bhi chor day

Taqleed ki rawish se tu behtar hai Khud-Kushi
Rasta bhi dhoond, Hizar ka soda bhi chor day

Mannand-e-Khama Teri zuban per hai harf-e-gair
Begana Shay pe Nazish-e-Bejaa bhi chor day

Lutaf-e-Qalaam kya je naa ho dil mein DARD-e-ISHQ
Bismil nahe hai tu to Tarapna bhi chor day

Shabnam ki tarah pholoon pe ro, aur chaman se Chal
Iss Baagh mein Qyaam ka soda bhi chor day

Acha hai dil kay pass rahay pasbanay Aqal
Lakin kabhi kabhi issay tanha bhi chor day

Hai Ashiquee mein rasam alag sab se bethna
But-Khana bhi, Haram bhi, Kaleesa bhi chor day

یاد آئیں گے زمانے کو مثالوں کے لئے
جیسے بوسیدہ کتابیں ھوں حوالوں کے لئے

Chalo k mout sy kerty hain aaghaz e MOHABAT

Zinda rahy tu bicharny ka dar sa rahy ga....

Bohat Masoom Thy Hum Bhi
Humain ab yaad aata hai…
K Hum ik ajnabi ko umar ki tareek raahon ka
Sahaara maan bethy thy…
K uss k chaand chehry ko
Hum apny Bakht ka roshan
sitaara maan bethy thy…
Hamain Maloom Hi Kab Tha
K Dasht-e-Zindagani main
Sahaary chhoot jaaty hain…
Kabhi aisa bhi hota hai
Nazar jin par theharti hai
Wo Taary toot jaty hain…
Khud apny rooth jaty hain….
Bohat Masoom Thy Hum bhi
Humain maloom hi kub tha..

Aap ki duniya hamare naam thi
Aap ke bin zindagi kis kaam ki

Aap ne hum se taalluq torr kar
Ghair se rasm-e-muhabbat aam ki

Umr bhar nisbet rahi jo aap se
Aik pal mein doosrey ke naam ki

Zindagi be-kaar ho ke reh gai
Saans chalti hai bara-e-naam ki

Khud se baigana banaya aap ne
Yaad hai Allah ki na ram ki

Ab to bus ik maut ki hai arzoo
Aish ki daulat ki na araam

Jaane kitne kar liye hum ne gunah
umr kaati moorad-e-ilzam ki

ab to chughtai sabhi kuch kho diya
muft mein hum ho gae badnaam bhi

A Chand
tu apni hi nagri mein
Khamosh hay
Madhoosh hay
kitny gher jaly teri kirnoo sy
kabhi tery na niklany sy bathky hayn musafir
aur lutaty rahay hayn kaflay kayee
khak ho gayee hayn tujh sy
qurbatoon mein mehakti hoyee zindagian
kia ub bhi tu apni
Meethy pan ka dawa ker sakta hay!?

Pyar se mukhrey ko aa ker,
Choomti hai chandni..
Saari duniya mein hai bihkri,
Bas TUMHARI roshni..
Aisa koyi bhi nahi,
Meri nazar mein itna haseen..
Jo khuli zulfein TUMHARI,
Din mein kaali raat ho..
TUM zara aanchal urra do,
Dhoop mein barsaat ho..
Sagar ki piyaasi leher,
Jhoom uthey TUMHE dekh kar..
Sari duniya sara aalam,
TUM se acha kaun hai..
Mera dil kehta hai janam,
TUM se acha kaun hai..
Koyi rut ho koyi mausam.
Chand taare phool shabnam.
TUM Se Acha Kaun Hai..

Kis qadar zulm dhaya kertey ho
Yeh jo tum bhool jaya kerte ho

Kis ka ab haath rakh ke seene per
Dil ki dhadhkan sunaya kerte ho

Hum jahan chaye peene jate thay
Kia wahan ab bhi aaya kerte ho

Kon hai ab ke jis ke chehre per
Apni palkon ka saaya kerte ho

Kiun mere dil mai rakh nahee dete
Kis liye gham uthaya kerte ho

Phone per geet jo sunate thay

Ab wo kis ko sunaya kerte ho

Akhiri khat mai usney likha tha
Tum mujhe yaad aaya kerte ho

Meri aik kheyalon ke c dunia hai apni
Meri dunia may myray spnay hain
En spnoo may ajeeb c thundak hai
Myray spnoo may kitni c haqiqt hai
Yeh jaanti hn srf Mai
Phr b in spno may khoye rehna,.
En spno ko sochna hee zindagi hai myri,
Hr khushe hai meri,
Myray spnay myra sb kuch hain
Myra aj hain
Myra kal hain
Myra khawab hain
Myra sans hain
Meri soch hain
Myra lumha hain
Myra pal hain
srf yehe Haqiqt hai
k
Myray spno ke dunia hai
or
Myray spnay
“MUHABT”
HAIN.

Aao keh phir se aghaaz karien
is adhori khani ko yahien rehnay do
tum mujhe bhool jao
mein tumhein bhula deta hun
December, sawan awr barasti barish
kuch tum kaho awr kuch ………
tumhein bahon mein bhar ke baat karien
yun gham se mann ko azaad karien
is adhori khani ko yahien rehnay do
aao keh phir se aghaaz karien
is baar tum bhi asaib sheher ko na jana
mein bhi pathar sheher na bhatgun ga
tumhari ghani zulfon ke saye talay
koi “Muhabbat Nagar” abaad karien
aao keh phir se aghaaz karien
ek dukh se raqam
tum apni bayazz , mein apni bayaaz
sapurd-e-darya kertay hain
yeh basti , yeh fsana , gali awr kuch
aysab ke nishan mita detay hain
tum mujhe bhool jao
mein tumhein bhula deta hun
kissi koray kaghaz se aghaaz karien
is adhori khani ko yahien rehnay do
mil ke muqadar se esa haath karien
tum mujhe bhool jao
mein tumhein bhula deta hun

Qurbat ki teri piyaas hay wesay tu theek hoon
Ak dard dil k paass hai wesay tu theek hoon

Daikha jo chaand ko tu koi yaad aa gaya
So dil mara Udass hai wesay tu theek hoon

Tu mujh ko apni Zaat se bahir nahi mila
Ye dukh bhara qayas hay wesay to theek hoon

Gar ho kuch Umeed to ho jaaun Pur-sukoon
Ek be Wajah c Aas hay wesay to theek hoon.

Wo aksar mujh se khaiti thi,
wafa hy zaat aurat ki
Magar jo mard hotey hain,
Bohat be dard hoty hain
Kisi banware ki surat
Gul ki khushboo loot laity hain
SunO!
Tum ko kasam meri
Rawayet toor daina tum
Na tanha chor k jana
Na hi dil tor k jana
Magar phir yun hoa mohsin
Mujhy anjaaan rasty pr
Akela choor kr usney
Mera dik tor ker us ny
Muhabbat choor di us ne
Wafa hy zat aurat ki
Rawayat toor di us ny ……..!

Bara maza ho jo mehsher mein hum karen shikwa
Woh minnaton sey kahen chup raho Khuda key liye.

Deedaar Chahta Hai To Nazrein Jamaaye Rakh Ghalib…
Pardaa Ho Ya Naqaab, Sirakta Zaror Hai.

I’m sorry
For the things that I have done to you
I never thought I’d break your heart in two
I’ll make it up to you somehow
Forgive me
Don’t hate me for what I have done to you
I realize that it is you I love
I’ll make it up to you somehow
Please be kind
And I know you’ll find it’s easy to forgive
I know that’s hard
To forgive and forget
BABY just give me one more chance

Jo baat keh nai sakta usey mai farz kerta hun
Chalo mai farz kerta hun mujhe tum se mohabbat hai

Bas karo zaalim kuch to murawwat seekho
Tum pe mertey hain to kia maar he daalo gey?????????

Wo sar kholey humari laash per deewana waar aaye
Isi ko mout kehte hai to yaa rab bar baar aaye

Toot jate hain bikher jate hain
Kaanch k gher mai muqadder apne

Ajnabi to sada pyaar se milte hain
Bhool jate hain to akser apne

Lamha Lamha Yaad Aata Hai Pechli Rut Ka Saath Tumhara
Har Mosam Mein Tarpaata Hai Pechli Rut Ka Saath Tumhara,

Ab Kay Bhi Woh Rut Aai Hai Shayad Woh Bhi Laot Aaye
Keh Keh Kay Yeh Behlata Hai Pechli Rut Ka Saath Tumhara,

Jab Bhi Teri Yaad Se Aage Barhna Chahun To Dil Mera
Pher Se Aankh Mein Le Aata Hai Pechli Rut Ka Saath Tumhara,

Tera Rasta Takte Takte Aankh Kay Manzar Sard Howe Yoon
Har Manzar Mein Dar Aata Hai Pechli Rut Ka Saath Tumhara,

Waise To Bedardi Jeena Mushkil Ho Jaana Tha Lekin
Saansein Har Dam Mehkaata Hai Pechli Rut Ka Saath Tumhara,

Aas Umeed Kay Deepak Saare Dhere Dhre Bujh Jaate Hain
In Ko Pher Se Sulgaata Hai Pechli Rut Ka Saath Tumhara,

Zaat Kay Is Zandaan Mein "Safi Jee" Bkhri Weerani Ka Dar Se
Har Pal Cheekhta Chillaata Hai Pechli Rut Ka Saath Tumhara.

Kesi Mohabat

Main aisi mohabbat karta hoon
Tum kaisi mohabbat karti ho
Tum jahan peh baith k jati ho
Main waheen pe betha rehta hoon
Us cheez ko choo'tha rehta hoon
Main aisi mohabbt karta hoon..!!

Tum jis se huns k milti ho
Main us ko dost banata hoon
Tum jis rastay par chalti ho
Main us say aata jata hoon
Main aisi mohabbat karta hoon
Tum kaisi mohabbat karti ho..??

Kuch khuwab saja kar aankhoon main
Palkon say moti chunta hoon
Koi lamha agar *** jay to
Main pehroon us ko sochta hoon
Main...aisi mohabbat karta hoon
Tum kaisi mohabbat karti ho....??

Jin logon main tum rehti ho
Tum jin say batain karti ho
Tum jin say huns k milti ho
Jo tum ko achay lagtay hoon
Wohi mujh ko achy lagtay hain
Main aisi mohabbat karta hoon
Tum kaisi mohabbat karti ho..??

Jis bagh main subah ko jati ho
Jis sabzay par tum chalti ho
Jo shaakh tumhain choo jati hay
Jo khushboo...tum ko bhati hay
Wo oos tumharay chehray par
Jo qatra qatra girti hai
Wo titliyan chor k phoolon ko
Jo tum say milnay aati hain
Jo tum ko choonay aati hain
Un sab k nazuk jazbon main
Meray dil ki dharkan basti hai
Meri rooh bhi shamil rehti hai
Tum paas raho ya door raho
Nazron k samaney rehti ho

Main tum ko takta rehta hoon
Main tum ko sochta rehta hoon
Main aisi mohabbat karta hoon
Tum kaisi mohabbat karti ho....???

Har moqay par her manzar main
Main sath tumharay rehta hoon
Main chashm-e-tasavvur main aksar
Bus tum ko dekhta rehta hoon
Bus tum ko sochta rehta hoon
Main aisi mohabbat karta hoon
Tum kaisi mohabbat karti ho...???

Ye log kehte hain k parbat se nikal ker chashmay
Kisi khoyi hui manzil ka pata dete hain

Or sar e shaam hawa un k lye chalti hai
Jin k mehboob bohat door kahin rehte hain

Bana bana k jo dunya mitayi jati hai
Zaror koi kami hai jo payi jati hai

Jab ajanabi koi aata hai un ki mehfil mai
To ek shamma usi dam jalayi jati hai

Jala k shamma foran bujha bhi dete hain
Dhooyen ki simt phir ungli uthayi jati hai

Dhooyan dikha k wo kehte hain aanay wale se
K aashiqon ki ye halat banayi jati hai

Bewafa se bhi pyaar hota hai
Yaar kuch bhi ho yaar hota hai
Jo haqeeqat mai pyaar hota hai
Umer mai ek baar hota hai

Khud ko dil main basaney ki ijazat dey doo…….
Mujh ko tum apna bananey ki ijazat dey doo..
Tum meri zindagi ka ek haseen lamha hoo….
Phoolon se khud ko sajaney ki ijazat dey doo….
Main kitna chahta hoon kis tarhan baataon tumhain..
Mujhey yeh aaj batanaey ki ijazat dey doo……… ..
Tumhari chand si ankhon may chand sa chehra..
Mujhe yeh shaam sajaney ki ijazat dey doo…..
Mujhe Qaid ker lo apney dil main……
Yaa mujhey khud Qaid kerney ki ijazat dey doo.

Jab seena gham se bojhal or yaad kisi ki aati ho
Tab kamrey mai band ho jana or chupke chupke ro lena
Jab palkain karb se moondi hun or sab samjhey tum dotey ho
Tab takkiya mu per rakh lena or chupke chupke ro lena
Jab baarish chehra dho dalay or ashk bhi bonden lagte hun
Wo lamha her giz mat khona or chupke chupke ro lena
Ye dunya zaalim dunyaa hai ye baat bohat phailaye gi
Tum saamney sabk chup rehna or chupke chupke ro lena

Ek taza Hikayat hai

Ek taza hikayat hai
Sun lo to inayat hai
Ek shakhs ko dekha tha
Taaron ki tarah humne
Ek shakhs ko chaha tha
Apno ki tarah humne
Ek shakhs ko samjha tha
Pholon ki tarah humne
Wo shakhs qyamat tha
Kia uski karen batain
Din us k lye paida
Or uski he thi ratain
Kam milta kisi se tha
Hum se thi mulaqatain
Rang uska shahabi tha
Zulfon mai thi mehkarain
Aankhian thik jadoo tha
Palkain thi k talvarain
Dushman bhi ager dekhain
So jaan se dil harain
Kuch tum se wo milta tha
Baton mai shabahat thi
Han tum sa he dikhta tha
Shokhi mai sharat mai
Lagta bhi tum he sa tha
Dastoor e mohabat mai
Wo shakhs humain ek din
Ghairon ki tarah bhoola
Taaron ki tarah dooba
Phoolon ki tarah toota
Phir hath na aya wo
Hum ne to bohat dhoonda
Tum kis lye chonkey ho
Kab ziker tumhara hai
Kab tum se taqaza hai
Kab tum se shikayat hai
Ek taza hikayat hai
Sun lo…………………..
To inayat hai……………

Kisi Veraan Raste Pe,
Kisi Anjaan Raste Pe,
Kisi Ka Saath Mil Jaana,
Khushi Ke Phool Khil Jaana,
Batao Kaisa Lagta Hai…?
Aur Uss Ke Baad Phir Ek Din,
Kisi Ka Youn Bichar Jaana,
Sabhi Rangon Ka Mit Jaana,
Woh Band Mutthi Mein Haathon Ki,
Faqat Kuch Rait Reh Jaana,
Batao Kaisa Lagta Ha

Chalo Tum Chor Do Mujh Ko..
Main Wapis Lot Jati Hun..
Tumhain Manzil Mubarak Ho..
Nayi Saathi
Mubarak Ho..
Mager Phir Aey Maray Hamdam..
Mujhe Itna To
Batla Do..?
Ke Wapis Kis Taraf Jaon..?
Kahan Se Saath
Lay Thay..?
Mujhe Itna to
Samjha Do..?
Agar Aisa Nahi Mumkin..
To Mujh Ko Is
Tarah Toro..
Ke Main Yaksar
Bikhar Jaon..
Bhatakne Se to Behtar Hai..
Tumhary Paas
Mar Jaon.

MOHABBAT JEET HOTI HAI
MAGAR YEH HAAR JATI HAI
KABI JHOOTI RASMOON SE
KABHI JHOOTI KASMOON SE
KABHI DOLAT O ZAR SE
KABHI NAMOOND O NUMAISH SE
JO BANA LE ISSY APNA
DUNIYA USAY MAAR DETI HAI
MAOHABBT JEET HOTI HAI
MAGAR YEH HAAR JATI HAI.

Q tu acha lagta hai waqt mila to sochen ge
Tujh mai kia kia dekha hai waqt mila to sochen ge

Sara sheher shanasayi ka dawedar to hai lekin
Kon humara apna hai waqt mila to sochen ge

Humne usko likha hai kuch milne ki tadbeer karo
Usne likh ker bheja hai waqt mila to sochen ge

Mosam,khushboo,bad e saba,chand,shafaq or taron mai
Kon tumhare jesa hai waqt mila to sochen ge

ya to apne dil ki mano ya phir dunya walo ki
Mashwara uska acha hai waqt mila to sochen ge

Dekh Lo Magar Khawab Ka Charcha Na Kro
Log Jal Jayen Gy Suraj Ki Tamana Na Kro

Waqat Ka Kiya Hai Kisi Pal Bhi Badal Sakta Hai
Ho Saky Tum Se to Tum Mujh Per Bharosa Na Kro

Ajnabi Lagny Lagy Khud Tumhain Apna Wajood
Apne Din Raat Ko Itna Bhi Akela Na Kro

Khawab Bachon K Khilono Ki Tarhan Hoty Hain
Khawab Dekha Na Kro Khawab Dikhaya Na Kro

Mom K Rishty Hain Garmi Se Pighal Jayen Gey
Dhoop K Sheher Main Ye Tamasha Na Kro

Jaagti Raat K Honton Pe Fasaney Jaisy
Ek Pal Men Simat Aaye Hon Zamany Jaisy

Aqal Kehti Hai Bhula Do Jo Nahi Mil Paya
Dil Wo Pagal K Koi Baat Na Maany Jaisy

Raasty Men Wohi Manzar Hen Puraany Ab Tak
Bus Kami Hai To Nahi Log Puraany Jaisy

Aaina Dekh K Ehsas Yehi Hota Hai
Le Gaya Ho Waqt Umron K Khazaany Jaisy

Raat Ki Aankh Se Tapka Hua Aansu
Makh-Mali Ghaas Pe Moti K Hon Daany Jaisy

Wo Kehta Hai!

Usay Phoolon Ki Chahat Hai

Magar Jab Phool Khilte Hain

Wo Un Ko Torr Deta Hai,

Wo Kehta Hai!

Usay Barish Ka Mosam Acha Lagta Hai

Magar Jab Barish Hoti Hai

Wo Kamre Mein Afsurda

Ho Kar Baith Jata Hai,

Wo Kehta Hai

Hawaayen Ishq Hain Us Ka

Hawaa Lekin Chalay Jab To?

Wo Khirrki Band Rakhta Hai,

Mujhe Ab Dar Sa Lagta Hai

Wo Jab Bhi Mujhse Kehta Hai!

Usay Mujh Se Mohabat hai……!!

Libaas Tan Se, Utaar Dena.
Kisi Ko Baa'nho'n, K Haar Dena.
Phir Uske Jazbo'n, Ko Maar Dena,

Ager Muhabbat, Yehi Hy Jaana..!
To Maaf Karna, Mujhe Nahi'n Hy..

Bicharne ki aziat ko
Agar tum janna chaho
To kuch pal ko
Zara ye saans apni rok kar dekho
Tumhe mehsos hoga k
Bichrna
Mout jesa Hai.

Mein Nay Is Tor Se Chaha Tujhy Aksar Janan ……..!
Jaisy Mahtab Ko Bayant Samandar Chahy…….!
Jaisy Soraj Ki Kiran Seep K Dil Mein Utray……!
Jaisy Khushbo Ko Hawa Rang Say Hat Kar Chahy…….!

Jaisy Pathar K Kalejay Say Kiran Phootti Hai………
Jaisy Ghunchy Khuly Mousam Say Hina Mangty Hein…
Jaisy Khabon Me Kheyalon Ki Kaman Tootti Hai…..
Jaisy Barish Ki Dua Aabla Pa Mangty Hein…..

Mera Her Khab Mere Sach Ki Gawahi De Ga……..
Wusat E Deed Ne Tujh Se Teri Khahish Ki Hai……..
Meri Sochon Me Kabhi Dekh Sarapa Apna……….!!!
Mein Ne Dunya Se Alag Teri Parastish Ki Hai………!!!

Khahish E Deed Ka Mousam Jo Kabhi Dhundla Howa
Noch Dali Hein Zamano Ki Naqabein Mein Nay……..
Teri Palkon Pe Otarti Hue Subhon K Liye….
Torr Dali Hein Sitaroon Ki Tanabein Mein Nay….

Mein Ne Chaha K Tere Husan Ki Gulnar Fiza….
Meri Ghazalon Ki Qataron Se Dehakti Jaey….
Mein Ne Chaha K Meray Fun K Gulistan Ki Bahar….
Teri Ankhon K Gulabon Se Mehakti Jaey….

Teh Toh Ye Tha K Sajata Rahy Lafzon K Kanwal!!
Mere Khamosh Kheyalon Mein Takalum Tera……..
Raqs Karta Rahy Bharta Rahy Khushbo Ka Khumar…..
Meri Khahish K Jazeeron Mein Tabasum Tera…..

Toh Magar Ajnabi Mahool Ki Parwarda Kiran
Meri Bujhti Hue Raton Ko Sehar Kar Na Saki….
Teri Sanson Me Maseehai Thi Lekin Toh Bhi
Chara E Zakham E Gham E Deeda E Tar Kar Na Saki….

Tujh Ko Ehsas He Kab Hai K Kisi Dard Ka Dagh…
Ankh Se Dil Me Utar Jaey To Kiya Hota Hai….???
Toh K Seemab Tabiyat Hai Tujhy Keya Maloom
Mousam E Hijar Thehar Jaey To Keya Hota Hai??????????

Tu nay Us Morr Pe Torra Hai Taluq K Jahan
Dekh Sakta Nahi Koi Bhi Palat Kar Janan………
Ab Ye Aalam Hai K Ankhein Jo Khulein Gi Apni
Yad Aey Ga Teri Deed Ka Manzar Janan……
Mujh Se Mangy Ga Tere Ohad E Mohabbat Ka Hisab…….!!!
Tere Hijran Ka Dehakta Huwa Mehshar Janan
Youhn Mere Dil K Barabar Tera Ghum Aya Hai……..
Jaisy Sheeshy K Muqabil Koi Pathar Janan………

Jaisy Mahtab Ko BeAnt Samondar Chahy
Mein Ne Is Tor Se Chaha Tujhy Aksar Janan

Suno acha nahi lagta!
Kare jb tazkara koi
kare jb tabsara koi
tumhari zaat ko khojy
tumhari bt ko sochy
mjy acha nahi lagta
suno acha nahi lagta!
Tumhari muskurahat 

par hazaro log marty ho
tumhari aik ahat par
hazaro dil darakty ho
kesi ka tum py mar jana
mjy acha nahi lagta
suno acha nahi lagta

Kuch Khawab Suhaany Toot Gay,
Kuch Yaar Purany Rooth Gaye.

Kuch Zakham Lagy Thy Chehry Par,
Kuch Ander Se Hum Toot Gaye.

Kuch Hum Thy Tabiyat K Saada,
Kuch Log Begany Loot Gaye.

Kuch Apno Ne Badnaam Kiya,
Kuch Ban Afsany Jhoot Gaye.

Kuch Apni Shikasta Nao Thi,
Kuch Humse Kinaary Choot Gaye.

Jahan Phoolon ko khilna tha, Waheen Khiltey To Acha Tha
Tumhi ko Humne Chaha Tha , Tumhi Miltey To Acha Tha

Koi Aa kar Humein Pooche, Tumhein Kaise Bhulaya Hai
Tumhare Khat ko Ashkon se, Shab-e-Gham mein Jalaya Hai

Hazaron Zakhm Aise Hain , Agar Silte To Acha Tha
Tumhi ko Humne Chaha Tha, Tumhi Miltey To Acha Tha

Tumhein Jitna Bhulaya Hai, Tumhari Yaad aayi Hai
Bahar-e-No Jo Aayi Hai , Teri Khusboo Bhi Laayi Hai

Tumhare Lab Meri Khatir, Agar Hiltey To Acha Tha
Tumhi ko Humne Chaha Tha, Tumhi Miltey To Acha Tha

Mila Hai Lutf Bhi Humko, Haseen Yaadon ki Jhilmil mein
Kati Hai Zindagi Tum Bin , Magar Ek Aas Hai Dil Mein

Agar Aate To Acha Tha , Agar Miltey To Acha Tha
Tumhi ko Humne Chaha Tha, Tumhi Miltey To Acha Tha

Qissa E Gham

Unhain qissa e gham jo likhnay ko baithay
To dekhay qalam ki rawani mai ansu
Yaqeenan asar unka hota hai dil per
Nikaltay hain jo be zubani mai ansu
Ye kia waqt e peeri mai ansu bahana
Ye moti thay suchay ye moti nai hain
Baray qeemti thay baray kaam atay
Nikaltay jo teri jawani ansu
Mere ansuon pe jo tum hans rahe ho
Khilona samajhtay ho tum inko shayed
Abhi tumne dunya mai dekha he kia hai
Laga dete hain aag paani mai ansu
Mere ansuon pe na ansu bahana
Mujhe apne marne ka kuch gham nai hai
Tum aye ayadat ko iski khushi hai
Nikal aye hain shadmani mai ansu

Wo kehti hai!!!!!!!!!!!

Wo kehti hai suno jaana,
Mohabbat moum ka ghar hai,
Tapish-e-bud-gumani ki,
Kahin pighla na de is ko?
Main kehta hoon,
Jis dil main zara bhi bad-gumani ho,
Wahan kuch aur ho to ho,
Mohabbat ho nahi sakti,
Wo kehti hai sada aise he,
Kia tum mujh ko chaho ge?
K main is main kami koi bhi,
Gawara ker nahi sakti,
Main kehta hoon,
Mohabbat kia hai ye tum ne sikhaya hai,
Mujhe tum se mohabbat k siwa,
Kuch b nahi aata,
Wo kehti hai,
Judai se bohat darta hai mera dil,
K khud ko tum se hat ker dekhna,
Mumkin nahi hai ab,
Main kehta hoon,
Yahi khadshe bohat mujh ko satate hain,
Magar sach hai mohabbat main,
Judai saath chalti hai,
Wo kehti hai,
Batao kia mere bin jee sako ge tum?
Meri baaten, meri yaaden, meri aankhen,
Bhula do ge?
Main kehta hoon,
Kabhi aisi baat per socha nahi main ne,
Ager ek pal ko bhi sochon to,
Saansen rukne lagti hain,
Wo kehti hai tumhen mujh se,
Mohabbat is qader kyon hai?
K main ek aam si larrki,
Tumhen kyon khaas lagti hon?
Main kehta hoon,
Kabhi khud ko meri aankhon se tum dekho,
Meri dewaangi kyon hai,
Ye khud he jaan jao gi,
Wo kehti hai,
Mujhe waraftgi se dekhte kyon ho?
K main khud ko bohat,
Qeemti mahsoos kerti hoon,
Main kehta hon,
Mata-e-jaan bohat anmol hoti hai,
Tumhen jub dekhta hoon zindgi,
Mahsoos kerta hoon,
Wo kehti hai,
Mujhe alfaz k jugno nahi milte,
K tumhen bata sakon,
K dil main mere kitni mohabbat hai,
Main kehta hoon,
Mohabbat to nigahon se jhalakti hai,
Tumhari khamoshi mujh se,
Tumhari baat kerti hai,
Wo kehti hai,
Batao na kiss ko khone se darta ho?
Batao kon hai wo jise,
Ye mousam bulate hain?
Main kehta hoon,
Yeh meri shayeri hai aaina dil ka,
Zara dekho batao kia,
Tumhen is main nazar aaya?
Wo kehti hai,
Atif jee bohat baaten banate ho,
Magar sach hai ye baaten,
Bohat he shaad rakhti hain,
Main kehta hoon,
Yeh sub baaten ye fasane ek bhana hain,
K pal kuch zindagani k,
Tumhare saath kat jayen,
Phir us k baad khamoshi ka,
Dilkash raqs hota hai,
Nigahen bolti hain aur,
Lub khamosh rehte hain…!!!

Baray Masoom Jazbon Se

Wo Apne ShoKh Hathon Par

Wafa Ki Surkh Mehndi Se

Usi Ka Naam likhti Hai

Jisse Wo

Pyar Karti Hai

Mgar wo

Na Samajh LarKi

Abhi Tak Ye Nahi Samjhi

K Sapne

Toot Jaayen To

Boht Barbaad Karte Hain

Ye Ujle Rang Hathon Par

Kabhi thehra Nahi Karte

Mohabhat To Haqeeqat Hai

Koi Sapna Nahi Hota

Kisi Ka Naam

Likhne Se

♥♥♥ Koi Apna Nahi Hota ♥♥♥

Pehlay Yaad Karna Usay,Phir Rotay Rehna,
Najanay Kab Choray Ga Dil Ye Harkatein Karna..